ප්‍රත්‍යන්ත පාලනය
තොටුපල ශාඛාව
මෙම ශාඛාවේ ප්‍රධාන කාර්යයන් වන්නේ අනුමත වරායන් හරහා රට තුළට සහ ඉන් පිටතට ගමන් කරන විදේශිකයන්ට මෙන්ම ශ්‍රී ලාංකිකයින්ට කාර්යක්ෂම හා ඵලදායී සේවාවක් සැපයීමයි. එවැනි රාජකාරි ඉටු කරන අතරතුර ශාඛාව රටේ ජාතික ආරක්ෂාව සහතික කරනු ලබන අතර ආර්ථික සංවර්ධනයට දායක වේ.
6 වන මහලේ ‘අ‘සහ ආ‘ පර්යන්තයන්හි පිහිටා ඇති ආගමන හා විගමන දෙපාර්තමේන්තුවේ ප්‍රධාන කාර්යාලයේ තොටුපල ශාඛාව, අවශ්‍ය අදාළ අවස්ථාවන්හිදී අදාළ විමර්ශනයන් සිදු කරන අතරමඅදාළ පහසුකම් සහ අනෙකුත් සහායක සේවාවන් සැපයීමේ කාර්යයන්ද සිදු කරයි.
පැමිණීම සහ පිටවීම සඳහා අනුමත තොටුපලවල්
ගුවන් තොටුපලවල්
- බණ්ඩාරනායක ජාත්‍යන්තර ගුවන්තොටුපළ - කටුනායක
- මත්තල රාජපක්ෂ ජාත්‍යන්තර ගුවන්තොටුපළ
- කොළඹ ජාත්‍යන්තර ගුවන්තොටුපළ - රත්මලාන
- යාපනය ජාත්‍යන්තර ගුවන්තොටුපළ
- කොග්ගල ගුවන්තොටුපළ
- මඩකලපුව ජාත්‍යන්තර ගුවන් තොටුපළ
වරායන්
- කොළඹ වරාය
- ගාලු වරාය
- හම්බන්තොට ජාත්‍යන්තර වරාය
- ත්‍රිකුණාමල වරාය
- කන්සන්තුරේ වරාය
- තලෙයිමන්නාරම ජැටිය
- නොරොච්චෝලේ වරාය
- ඔලුවිල් වරාය
- කොළඹ CHEC වරාය නගරය ( ආගමන / විගමන)
කාර්යයන්
- ශ්‍රී ලංකාව තුළට සහ ඉන් පිටතට ගමන් කරන මගීන්ගේ නිෂ්කාශන කටයුතු සිදු කිරීම.
- ඉලෙක්ට්‍රොනික සංචරණ අනුමැතිය ලබා නොගෙන ශ්‍රී ලංකාවට පැමිණෙන විදේශිකයන්හට තොටුපළවලදී ඉලෙක්ට්‍රොනික සංචරණ අනුමැතියලබා දීම.
- ශ්‍රී ලංකාවේ ඕනෑම අනුමත වරායක නැංගුරම් ලා ඇති නෞකාවක නාවික කාර්ය මණ්ඩලය වෙත රට තුළට තාවකාලිකව ඇතුළු වීම සඳහා අවසර පත්‍ර නිකුත් කිරීම.
- ශ්‍රී ලංකාවට පැමිණෙන නාවික කාර්ය මණ්ඩලයට බැඳුම්කර (ස්ටිකර්) නිකුත් කිරීම.
- ශ්‍රී ලංකාව තුළ විදේශ තානාපති කාර්යාල පිහිටා නැති රටවලට ඇතුළුවීම සඳහා වීසා බලපත්‍ර ලබා ගැනීමට අවශ්‍ය විදේශ ගමන් බලපත්‍ර කුරියර් සේවාවක් / අදාළ තානාපති කාර්යාල පිහිටා ඇති තෙවන පාර්ශවයක් හරහා යැවීම සඳහා අනුමැතිය ලබා දීම.
- විවිධ ආයතනවල අවශ්‍යතාපදනම් කර ගනිමින් මගී සංචාරක වාර්තා පිළිබඳ විස්තර ඇතුළත් ලිපි නිකුත් කිරීම.
- පුද්ගලයින්ගේ පැමිණීම සහ පිටවීම සම්බන්ධයෙන් අධිකරණ විසින් නිකුත් කරන ලද තහනම් නියෝග ක්‍රියාත්මක කිරීම සහ පුද්ගලයින්ගේ පැමිණීම සහ පිටවීම පිළිබඳව විමසමින් විවිධ ආයතනවලින් ලැබෙන ලිපි හා සම්බන්ධයෙන් රාජකාරි ඉටු කිරීම.
- පෙර ශ්‍රී ලාංකීය පුරවැසිභාවය හිමිව තිබූ පුද්ගලයින්ගේ මිනිස් දේහ සහ මිනිස් භෂ්මාවශේෂ ගෙන්වා ගැනීම සඳහා විදේශ කටයුතු අමාත්‍යාංශයෙන් කෙරෙන ඉල්ලීම් සඳහා අනුමැතිය ලබා දීම
- ශ්‍රී ලංකාවට පැමිණීමේදී හා පිටවීමේදී තොටුපළවලදී මගීන් විසින් සම්පූර්ණ කළ යුතු ආගමන / විගමන ආකෘති පත්‍ර නිකුත් කිරීම.
- තොටුපළවලට අනුයුක්ත ආගමන හා විගමන නිලධාරීන්ගේ සේවාවන් මෙහෙයවීම, අධීක්ෂණය, සමාලෝචනය සහ යාවත්කාලීන කිරීම.
- වෘත්තීය දියුණුව උදෙසා පහසුකම් සැලසීම සඳහා ශ්‍රී ලංකාවේ මහ කොමසාරිස් කාර්යාල සහ තානාපති කාර්යාලවල සහාය සහිතව ආගමන හා විගමන නිලධාරීන් වෙත දේශීය හා විදේශීය පුහුණුව සම්බන්ධීකරණය කිරීම.
- පර්යේෂණ සහ අධ්‍යයනයන් පාදක කරගනිමින් මගීන්ගේ පැමිණීම් සහ පිටවීම්, වීසා බලපත්‍ර උල්ලංඝනය කිරීම් සහ රටට ඇති විය හැකි තර්ජන පිළිබඳව සමාලෝචනය කිරීම.
තොටුපළ ශාඛාව මගින් සපයනු ලබන සේවාවන් - ප්‍රධාන කාර්යාලය
- ශ්‍රී ලංකාවේ සිට විදේශ රටවලට ගමන් බලපත්‍ර යැවීමටත්, නැවත ශ්‍රී ලංකාවට එවීමටත් අනුමැතිය ලබා දීම.
- කුරියර් සේවාවක් මගින්
- තෙවන පාර්ශවයක් මගින්
අවශ්‍ය ලිපිලේඛන
- විදේශ ගමන් බලපත්‍රය සහ එහි ජීව දත්ත පිටුවේ පිටපතක්.
- විදේශ ගමන් බලපත්‍ර හිමියාගෙන් ඉල්ලීම් ලිපියක්.
- කුරියර් සේවාවකින් ලබාගත් පොරොන්දු ලිපියක් සහ එහි පිටපතක්.
- විදේශ ගමන් බලපත්‍රය යැවීමේ අරමුණ සාධාරණීකරණය කෙරෙනඅදාළතහවුරුලිපිලේඛන.
- (වයස අවුරුදු 16 ට අඩු) දරුවෙකුගේ විදේශ ගමන් බලපත්‍රයක් යවනු ලබන්නේ නම්, දරුවාගේ උප්පැන්න සහතිකයේ ඡායා පිටපතක් සමඟ දෙමව්පියකුගේ කැමැත්ත ප්‍රකාශ කිරීමේ ලිපියක් ඉදිරිපත් කළ යුතුය.
- විදේශ ගමන් බලපත්‍රයක් තෙවැනි පාර්ශ්වයක් මගින් යැවීමේදී, පහත සඳහන් ලේඛන ඉදිරිපත් කළ යුතුය.
- ඔහු/ඇය වෙනුවෙන් විදේශ ගමන් බලපත්‍රය රැගෙන යාමට තෙවන පාර්ශවයක් නම් කරමින්විදේශ ගමන් බලපත්‍ර හිමියාගෙන් ඉල්ලීම් ලිපියක්
- විදේශ ගමන් බලපත්‍ර හිමියා වෙනුවෙන් විදේශ ගමන් බලපත්‍රය අතේ රැගෙන යාම සඳහා ආගමන විගමන පාලක ජනරාල් වෙතින් තෙවන පාර්ශ්වය විසින් ඉල්ලුම්කරනු ලබන ලිපියක්
- විදේශ දූත මණ්ඩල ශාඛාවෙන් නිකුත් කරනු ලබන විදේශ ගමන් බලපත්‍රයක් විදේශයකට යැවීමේදී පහත සඳහන් ලිපි ලේඛන ඉදිරිපත් කළ යුතුය.
- නව විදේශ ගමන් බලපත්‍රය හා එහි ජීව දත්ත පිටුවේ පිටපතක්
- විදේශ ගමන් බලපත්‍ර හිමියා ගේ ලිඛිත ඉල්ලීම මත විදේශ දූත මණ්ඩල ශාඛාවෙන් ලබා දුන් පිටසන
- බලයලත් පුද්ගලයාගේ ජාතික හැඳුනුම්පතේ පිටපතක්
- කුරියර් සේවාවකින් ලබාගත් පොරොන්දු ලිපියක් සහ එහි පිටපතක්.
- තෙවැනි පාර්ශ්වයක් මගින් යවන්නේ නම්, එකී විදේශ ගමන් බලපත්‍රය එහි හිමිකරුවා වෙත බාර දෙනු ලබන බවට ඔහුගේ / ඇයගේ කැමැත්ත / පොරොන්දුව ප්‍රකාශ කෙරෙන ලිපිය
සටහන: ඉහත සඳහන් කාර්යයන් සඳහා එක් විදේශ ගමන් බලපත්‍රයකට රු 2,000/- ක ගාස්තුවක් අයකෙරේ. කාර්යාල දිනවලදී පෙ.ව. 9.00 සිට ප.ව 3.00 දක්වා පමණක් ගෙවීම් සිදු කළ හැකිය.
- විදේශික නාවික කාර්ය මණ්ඩල සඳහා බැඳුම්කර (ස්ටිකර්) නිකුත් කිරීම
නාවික කාර්ය මණ්ඩලයේ සෑම සාමාජිකයකුම රටට ඇතුළුවීමට ප්‍රථම බැඳුම්කරයකට අත්සන් කළ යුතුය. ශ්‍රී ලංකාවට ඇතුල්වන නැව්වල සේවය කරන විදේශිකයින් හා නැව්වල සේවය සම්පූර්ණ කර ශ්‍රී ලංකාවෙන් බැහැර වන විදේශිකයින් සඳහා මෙම බැඳුම්කර නිකුත් කරනු ලැබේ. රටට ඇතුළුවීමට බලාපොරොත්තු වන පුද්ගලයාගේ මෙරට නියෝජිතයා විසින් ආගමන හා විගමන දෙපාර්තමේන්තුවට අදාළ බැඳුම්කර ගාස්තුව ගෙවිය යුතු‍වේ. අදාළ ගෙවීම සිදු කිරීමෙන් පසු තීරු සංකේතයක් සහිත ස්ටිකරයක් නියෝජිතයන් වෙත නිකුත් කරනු ලැබේ.
සටහන: ඉහත කාර්යයන් සඳහා එක් බැඳුම්කර ස්ටිකරයක් සඳහා ඇ. ඩො. 25 ක ගාස්තුවක් අයකෙරෙන අතර කාර්යාල දිනවල පෙ.ව.9.00 සිට ප.ව 3.00 දක්වා පමණක් ගෙවීම් සිදු කළ හැකිය.
- රජයේආයතනයන්ගේ සහබලාත්මක කිරීමේ අධිකාරිවල ඉල්ලීම් පදනම් කරගනිමින් පුද්ගලයන්ගේ ගමන් විස්තර ලබාදීම.
- ද්විත්ව පුරවැසියන්ගේ සහ පෙර ශ්‍රී ලාංකේය පුරවැසිභාවය හිමිව තිබූ පුද්ගලයින්ගේ විදේශ ගමන් බලපත්‍ර සඳහාශ්‍රී ලාංකික විදේශ ගමන් බලපත්‍රවලින් පැමිණීමේ පිටසන මාරු කිරීම.
- පරිරෝධනය කරන ලද විදේශ ගමන් ලිපිලේඛන ශ්‍රී ලංකාවේ පිහිටි අදාළ විදේශ දූත මණ්ඩල වෙත භාරදීම.
- විවිධ පාර්ශ්වකරුවන් වෙත ලිපි සැකසීම.
- ශ්‍රී ලංකාවේ හෝවිදේශයන්හි අතුරුදන් වූවන්ගේ ගමන් තොරතුරු ඔවුන්ගේ සමීපතම පවුලේ සාමාජිකයන් වෙත සුදුසු පරිදි ලබාදීම.
- පෙර ශ්‍රී ලාංකීය පුරවැසිභාවය හිමිව තිබූ පුද්ගලයින්ගේ මිනිස් දේහ සහ මිනිස් භෂ්මාවශේෂ ගෙන්වා ගැනීම සඳහා විදේශ කටයුතු අමාත්‍යාංශයෙන් කෙරෙන ඉල්ලීම් සඳහා අනුමැතිය ලබා දීම
ඇමතුම් තොරතුරු
ලිපිනය – තොටුපළ අංශය, 06 මහල, ආගමන හා විගමන දෙපාර්තමේන්තුව, "සුහුරුපාය", බත්තරමුල්ල
දුරකථනය - +94112101581
විද්‍යුත් ලිපිනය - dcports@immigration.gov.lk
aoports@immigration.gov.lk
hoports@immigration.gov.lk
නිලධාරී ඇමතුම් තොරතුරු
| නියෝජ්‍ය පාලක (ප්‍රත්‍යන්ත පාලන) |
එම්. ඩබ්ලිව්. ජේ. ඩී. ජයමාන්න මහතා
+94112101560 |
| සහකාර පාලක (ප්‍රත්‍යන්ත පාලන) |
එම්. ටී. සෙයිනුල් රිලා මහතා
+94112798365 |
| සහකාර පාලක (බණ්ඩාරනායක ජාත්‍යන්තර ගුවන්තොටුපළ) |
+94112263974 |
| බණ්ඩාරනායක ජාත්‍යන්තර ගුවන්තොටුපළ – පැමිණීමේ පර්යන්තය |
0112253092 |
| පිටත්වීමේ පර්යන්තය |
0112252373 |
| බලයලත් නිලධාරී (තොටුපළ ශාඛාව) - ප්‍රධාන කාර්යලය |
0112101581 |
| කොළඹ ජාත්‍යන්තර ගුවන්තොටුපළ - රත්මලාන |
0112183352 |
| මත්තල රාජපක්ෂ ජාත්‍යන්තර ගුවන්තොටුපළ |
0472031908 |
| කොළඹ වරාය |
0112483266 |
| ගාල්ල වරාය |
0912227111 |
| හම්බන්තොට ජාත්‍යන්තර වරාය |
0472258108 |
